back-arrow
7- მიზეზი ცურვის დასაწყებად
09.03.2021 გააზიარე: Facebook კატეგორია: ცხოვრების სტილი

7- მიზეზი ცურვის დასაწყებად

ცურვა დადებით ზემოქმედებას ახდენს ადამიანის ფსიქიკურ და ემოციურ  ჯანმრთელობაზე. წყალი ადუნებს, ამშვიდებს, ხსნის სტრესებს, აუმჯობესებს მადას, აწესრიგებს ძილს. წყლის პროცედურების წყალობით ძლიერდება ნერვული სისტემა, ჩნდება სიმშვიდისა და ჰარმონიის შეგრძნება. მოდუნება კი ააქტიურებს ნერვული სისტემის დაბოლოებების მუშაობის უნარს. 

რეგულარული ცურვა:

1. უხდება მთლიან ორგანიზმს
ექიმების უმრავლესობა ყველა სხვა ვარჯიშიდან უპირატესობას ცურვას ანიჭებს, რადგან ის თითქმის ყველა დაავადებას უხდება, ხოლო ჯანმრთელ ორგანიზმს კი უფრო მეტად აკაჟებს. რაც ყველაზე მთავარია სპორტის ამ სახეობას არანაირი უკუჩვენება არ გააჩნია. ცურვა გვაძლევს: ჯანმრთელ გულს, ფილტვებს, ძლიერ კუნთებს და მოქნილ სახსრებს.

2. დააჩქარებს მეტაბოლიზმს და ცხიმის წვას
ცურვა წონის დაკლების შესანიშნავი გზაა! აუზში გრილი წყლის არსებობის შემთხვევაში ორგანიზმს  გასათბობად უწევს დამატებითი ენერგიის დახარჯვა, რის გამოც უფრო მეტ კალორიას წვავს. ცურვის დროს მუშაობს ადამიანის თითქმის ყველა კუნთი, რაც ხელს უწყობს მთლიანად სხეულის ტონუსში ყოფნას. წყალში გატარებული ერთი საათით თქვენ  მინიმუმ 500 კკალორიის დაწვა შეგიძლიათ.

3. დაგეხმარებათ ხერხემლის პრობლემების დავიწყებაში
ადამიანის სხეული წყალში უფრო ნაკლებ ზეწოლას განიცდის, ვიდრე ხმელეთზე.  თუ ხშირად გეუბნებიან რომ ზედმეტად მოხრილი ხართ, მაშინ ცურვა სწორედ თქვენთვისაა. ცურვა აძლიერებს სახსრებსა და კუნთებს ხერხემლის გარშემო, რაც შესანიშნავი საშუალებაა სხეულს ფორმის კორექტირებისთვის.

4. გაგიუმჯობესებთ ფსიქიკას
ცნობილი ფაქტია, რომ  ვარჯიშის დროს ორგანიზმის მიერ გამომუშავებული ენდორფინი ადამიანს ნერვულ სისტემაზე  დადებით ზემოქმედებას ახდენს. წყალში ჩასვლა ადამიანის მიერ აღიქმება როგორც საწყისთან დაბრუნება, დედის მუცელში კომფორტულად ჰყოფნის პერიოდად. წყალს მოაქვს კომფორტი და სიმშვიდე.British Journal of Psychiatry- ი გამოქვეყნებული  ბოლო კვლევები ადასტურებენ, რომ  ცურვა, ხელს უწყობს სტრესის და დაძაბულობის მოხსნას. 

5. გაგიძლიერებთ იმუნიტეტს
როდესაც უჯრედები რეგულარულად იღებენ საკმარის სისხლსა და ჟანგბადს ისინი უკეთ ფუნქციონირებენ, უკეთესად ახერხებენ მავნე ნივთიერებების გამოდევნას სხეულიდან. ეს კი იმას ნიშნავს რომ სხეული უკეთ ფუნქციონირებს და იმუნიტეტიც უფრო ძლიერია.

6. დაგავიწყებთ ასაკს
მნიშვნელობა არ აქვს ასაკს, სანამ ადამიანი ცურავს, ის გავლენას ახდენს არტერიულ წნევაზე, ქოლესტერინის დონეზე, გულსისხლძარღვთა სისტემის მუშაობაზე, ცენტალური ნერვული სისტემის სიჯანსაღეზე, კოგნიტურ უნარებზე, კუნთოვან მასას და სისხლის მიმოქცევაზე, რაც ახალგაზრდული იერსახის შენარჩუნებისთვის ასე მნიშვნელოვანია.

7. დაგავიწყებთ უძილობას
რეგულარული ცურვის დროს  ადამიანის ორგანიზმს მიმდინარე დადებითი პროცესები გავლენას ახდენს, როგორც მის ფიზიკურ ასევე ფსიქიკურ ჯანმრთელობაზე წყლის პროცედურების წყალობით ძლიერდება ნერვული სისტემა, შედეგად ნაკლებია სტრესი, რომელიც ხელს გვიშლის ნორმალურ ძილში, რომელიც ასე აუცილებელია დღევანდელ გარემოში 

ცურვა- ეს არის ერთგვარი ფიზიოთერაპია, რომელიც დღეს ყველა ადამიანს სჭირდება. მისი მეშვეობით თქვენ უმკლავდებით სტრესს და იუმჯობესებთ იმუნიტეტს. ბოლო დროინდელმა მოვლენებმა გვაჩვენა რომ 21-საუკუნეში ადამიანს უამრავი დაბრკოლების გადალახვა უწევს და მათთან გასამკლავებლად საჭიროა- როგორც ფიზიკური ასევე ფსიქოლოგიური ჯანმრთელობა. მათ, ვინც რეგულარულად ცურავს, ჯანსაღი ძილი, კარგი მადა და გაწონასწორებული ნერვული სისტემა აქვთ. 

მწვანე სივრცის სიახლოვე და ადამიანის ჯანმრთელობა

არსებობს უტყუარი მტკიცებულება, რომ მწვანე სივრცის სიახლოვე დასახლებულ პუნქტებთან, ზრდის ადგილობრივი მოსახლეობის ცხოვრების ხარისხს და ზოგადად, ადამიანების ფიზიკური და ფსიქიკური ჯანმრთელობისათვ

რა ხდება ბინის შეძენის შემდეგ? ბინათმესაკუთრეთა ამხანაგობა

ყველამ ვიცით, რომ ბინის შეძენა რთული და საპასუხისმგებლო პროცესია

სახლი ნუცუბიძეზე - ადგილი, რომელიც იქმნება შენთვის

დღეს თბილისის ყველა უბანში  უამრავი მშენებლობა მიმდინარეობს, ერთი შეხედვით არჩევანის გაკეთება

არ შეიძინოთ ბინა- შეიძინეთ ცხოვრების სტილი

მაშ ასე, როგორ ვებრძოლოთ სტრეს ყოველდღიურ ცხოვრებაში

როგორ მოვემზადოთ ახალ ბინაში გადასასვლელად?

ახალ სახლში გადასვლა ახალი ცხოვრების დაწყებას ნიშნავს.