შეკვეთილი საქართველოს გამორჩეული და ყველაზე პატარა კუთხის, გურიის უნიკალური კურორტია. იგი მუდამ თავს იწონებს ზღვისა და ტყის არაჩვეულებრივი სინთეზით, სუბტროპიკული ჰავით და მაგნიტური ქვიშის სანაპიროებით.

შეკვეთილის სანაპიროს სიგრძე 3 კილომეტრია, სიგანე - დაახლოებით 30 მეტრი. ასეთი გარემო განსაკუთრებით სასარგებლოა მათთვის, ვისაც გულ-სისხლძარღვთა, ნერვული, ენდოკრინული და ძვალ-სახსართა სისტემის დაავადებები აწუხებს. ეფექტიანია ძვლებისა და სახსრების გასაკაჟებლადაც ბავშვებისა და მოზრდილებისთვის.

შეკვეთილი ბავშვებიანი ოჯახებისთვის იდეალური დასასვენებელი ადგილია, წყლის სიღრმე დაბალია, ნაპირი კი - სუფთა.

სანახაობები და გასართობი ადგილები

• შეკვეთილის ტერიტორიაზეა უნიკალური დენდროლოგიური პარკი.
  პარკი 60 ჰექტარს მოიცავს, სადაც მსოფლიოსა და საქართველოს ეგზოტიკური ფლორის ათასობით სახეობას ნახავ, მათ შორის - იშვიათ გიგანტურ ხეებს, ვარდისფერ ფლამინგოებს, ეგზოტიკურ ფრინველებს;  
• შეკვეთილში მდებარეობს ამიერკავკასიაში ყველაზე დიდი საკონცერტო დარბაზი „ბლექ სი არენა“, რომელიც 10 000-ზე მეტ მაყურებელს იტევს;
• იქვეა „მუსიკოსების პარკი“ - დასასვენებელი სკვერი, სადაც ქართველი და უცხოელი მუსიკოსების ძეგლები დგას, ირგვლივ კი ამ არტისტების მიერ შესრულებული მუსიკა ჟღერს. მუსიკოსთა პარკში მოწყობილია „სოციალური სივრცე“, სადაც დაისვენებთ, იქვე ტყის ბიბლიოთეკაში წაიკითხავთ წიგნს, კონცეპტუალურ მაღაზიაში შეიძენთ ეკომეგობრულ ნივთებს, კაფეში კი ორგანული პროდუქტით მომზადებულ საკვებს დააგემოვნებთ;
• თანამედროვე ატრაქციონების პარკი „ციცინათელა“, რომელიც ყველა ასაკის ადამიანზეა გათვლილი. პარკ „ციცინათელას“ მიმდებარე ტერიტორიაზე კი „მინიატიურების პარკია“, სადაც საქართველოს არქიტექტურული ძეგლების მინიატიურული მოდელებია წარმოდგენილი.  

როგორ ჩახვალ შეკვეთილში?

ბათუმისა და ქუთაისის საერთაშორისო აეროპორტებიდან შეკვეთილში 50 და 90 წუთში ჩახვალ;         

ქობულეთის რკინიგზის სადგურიდან - 20 წუთში;

შეკვეთილთან უახლოესი რკინიგზის სადგური ურეკია.

რა დრო სჭირდება მგზავრობას?

• თბილისი 5:15 სთ
• ბათუმი 1:00 სთ
• ქუთაისი 1:55 სთ

კურორტი დღითიდღე ვითარდება და იზიდავს დამსვენებლებს, როგორც საქართველოდან, ასევე  საზღვარგარეთიდანაც.  თუ გსურთ გქონდეთ უძრავი ქონება საქართველოს ერთ-ერთ ყველაზე სწრაფად განვითარებად კურორტზე მაშინ "ალფა სახლი შეკვეთილში" შენ გელოდება.