ახალი სახლი დიდი სიხარული უამრავი პოზიტიური ემოცია და ახალი ცხოვრების დასაწყისია. ხშირად გვიფიქრია რა ვაჩუქოთ ჩვენ საყვარელ ადამიანებს - მეგობრებს, ახლობლებს თუ თანამშრომლებს ამ სასიხარულო ამბის მისალოცად.

გთავაზობთ  რამდენიმე გამორჩეულ და  რაც მთავარია გამოსადეგ საჩუქარს, რომელიც ყველა გემოვნების ადამიანს გაუხარდება:

საჩუქრები ჰობის მიხედვით:

• კულინარია: ნებისმიერი სამზარეულოს აქსესუარი - ლამაზი და მაღალი ხარისხის ჭურჭლით დაწყებული მცირე საყოფაცხოვრებო ტექნიკით დამთავრებული. 
• სპორტი: სახლში სავარჯიშოდ საჭირო ნებისმიერი აქსესუარები -სავარჯიშო ბორბალი, ნაჭრის ელასტიური სავარჯიშო ნაკრები, ლახტი ან დასაფენი სავარჯიშო ხალიჩა. 
• მცენარეები: სახლის მცენარეები და მათი მოსავლელი აქსესუარები. 
• წიგნები: წიგნების ნაკრები, კარადა, ლამაზი ღია წიგნის თაროები და სხვა კითხვასთან და წიგნებთან დაკავშირებული აქსესუარები. 

საჭირო ნივთები:

ტექსტილი: თეთრეული ზედმეტი არასდროს არის. ამიტომ ახალმოსახლეობაზე შეგიძლიათ თავისუფლად მიიტანოთ საჩუქრად თეთრეული და არ იდარდოთ იმაზე, დასჭირდება თუ არა ის თქვენ ახლობლებს. ასევე თბილი და ფუმფულა პლედები და ბალიშები  ერთ-ერთი ყველაზე პოპულარული  და გამოსადეგი საჩუქარია.

დეკორატიული ნივთები:

სანთლები, სურნელოვანი ჩხირები და ჰაერის დამატენიანებელი - ეს აქსესუარები  შეინარჩუნებენ სასიამოვნო და ჯანსაღ მიკროკლიმატს ოთახში, საათი, ლამაზი ჭაღი, ბრა ან ლამფა და ხალიჩა - ეს ნივთები ნებისმიერ ინტერიერს კიდევ უფრო მეტ სიმყუდროვეს შესძენს.