ოთახის მცენარეებს სახლში შემოაქვთ სიმყუდროვე, ისინი ხდებიან  ინტერიერის  განუყოფელი ნაწილი. მაგრამ მათი დიდი არჩევანის გამო ხშირად ძნელია  საჭირო მცენარის  სწორად შერჩევა.

სააბაზანო ოთახი

1. პალმა- წმენდს ჰაერს ამიაკისგან, რაც განსაკუთრებით სასარგებლოა  აბაზანაში ქიმიური წმენდის ჩატარების  შემდეგ.
2. აგლაომენა- ასუფთავებს ჰაერს ფორმალდეჰიდსგან, რომელიც კოსმეტიკურ პროდუქტებში გვხვდება. მისთვის საუკეთესო ადგილი საშხაპის გვერდითაა.
3. ინგლისური სურო შეუძლია გაფილტროს ფორმალდეჰიდი,რომელიც შედის სახლის საწმენდ საშუალებებში.

საძინებელი

1. სანსევიერია- ის აუმჯობესებს სისხლისმიმოქცევასა და ტვინის მუშაობას, ეხმარება კონცენტრაციას და დაგეხმარებათ  დაღლილობასთან ბრძოლაში.
2. სპატიფილუმი(ლილია )-  ასუფთავებენ ჰაერს 3 ყველაზე გავრცელებული შხამიანი ნივთიერებისგან: ფორმალდეჰიდის, ბენზოლისა და ტრიქლორეტილენისგან. ასევე ეფუქტურად უმკლავდება ტოლუოლსა და ქსილოლს.
3. ფალაენოფსისი - მშვენიერი ყვავილოვანი მცენარეა. ის ღამით უამრავ ჟანგბადს გამოყოფს და ტოლუენისგან ათავისუფლებს ჰაერს..

საბავშვო ოთახი

1. კოფეა - ბუნებრივი ფილტრია. ის ჰაერს ასუფთავებს ბენზოლის, ფორმალდეჰიდის, ფენოლისა და ტრიქლოროეთილინსგან.

2. ჰიბისკუსი - ხელსაყრელ მიკროკლიმატს ქმნის, წმენდს და უფრო ჯანსაღს ხდის ჰაერს. სხვა მცენარეებიც უკეთ იზრდებიან, როცა ჰიბისკუსის გვერდით არიან.

3. სიკლამენი - გეხმარებათ ინსომნიასთან, ქრონიკულ დაღლილობასთან, დეპრესიასთან და გაღიზიანებადობასთან ბრძოლაში.

მისაღები

1. დრაცენა - ასუფთავებს ჰაერს ფორმალდეჰიდსგან (რომელიც არის საღებავებში, ხალიჩებსა  და  ფარდებში)
2. ქლოროფიტუმი - ამ მცენარეს, მინიმალური განათების პირობებში, შეუძლია ფოტოსინთეზის პროცესის განხორციელება და ჰაერის ჟანგბადით გამდიდრება. ის ტოქსინებსაც შთანთქავს და ჰაერს ატენიანებს.
3. ფიკუსი - მცენარის მოვლა ძალიან ადვილია, ის ნაკლებად პრეტენზიული არის, განსაკუთრებით, სინათლის რაოდენობის მიმართ. მაგრამ, ძალიან ეფექტურია, როდესაც საქმე ფორმალდეჰიდისგან ჰაერის გაწმენდას ეხება.

სამზარეულო

1. ალოე - ეს მცენარე ძალიან კარგი საშუალება სახლში ჟანგბადის დონის ასაწევად. გარდა ამისა, ის შთანთქავს ნახშირორჟანგს, ნახშირბადის მონოქსიდს და ფორმალდეჰიდს.
2. სტეფანოტისი - აჯანსაღებს სამზარეულოს ჰაერს.  კარგი მოვლის შემთხვევაში მისგან მიიღებთ საჩუქარს -  პატარა ლამაზ თეთრ ყვევილებს, მთელი წლის განმავლობაში.
3. სენპოლიები — მისი ყველაზე დიდი  სარგებელი არის ის, რომ ეს ყვავილი  დევნის ჭიანჭველებს სახლიდან. ბონუსი -  მას აქვს ძალიან ლამაზი ყვავილები.