ადგილის ეკონომია განსაკუთრებით აქტუალურია მცირე ზომის ფართის ბინებში. ამიტომ დიდი ყურადღება ექცევა თითოეული კვადრატული მეტრის დაზოგვას. ამისათვის ბევრი ხერხი არსებობს. ბოლო დროს განსაკუთღებით პოპულარული გახდა კარის ირგვლივ განთავსებული სათავსოები.

კარის ირგვლივ სივრცე, ჩვეულებრივ, ჩვენი ყურადღების მიღმა რჩება ხოლმე, მაგრამ სწორედ ის შეიძლება ყველაზე მეტად დაგვეხმაროს კვადრატული მეტრების დაზოგვაში, თუ კარის ირგვლივ მთელ კედელზე განვათავსებთ სტელაჟებს, კარადებს, თაროებს ან თუნდაც ბიბლიოთეკას. უფრო მეტიც, შეიძლება სათავსოები თავად კარზეც კი მოვაწყოთ.

ამგვარი კარადა-კუპეები უფრო იაფი დაჯდება, ვიდრე ცალკე კარადები, ტუმბოები თუ სხვა სათავსოები, რადგან სამი მხარე - იატაკი, ჭერი და კედელი - უკვე არის, დარჩება მხოლოდ ფასადის დიზაინის და შიდა სივრცის დაყოფის მოფიქრება.

ქვემოთ გთავაზობთ კარის ირგვლივ ფართის გამოყენების რამდენიმე ვარიანტს.