დღეს საქართველოში მშენებლობების ბუმია, საცხოვრებელი სახლების სართულიანობაც გაზრდილია და ამ ფონზე სულ უფრო მკვეთრად იჩენს თავს ქვეყნის ურბანული დაგეგმარებისა და სივრცითი მოწყობის პრობლემები, რომლებიც ბოლო რამდენიმე წლის განმავლობაში თბილისში  განსაკუთრებით გამწვავდა. 

გაერთიანებული ერების ორგანიზაციის მონაცემებით, 2030 წლისთვის  მოსახლეობა ქალაქებში კიდევ უფრო გაიზრდება. თუ 1950 წელს მოსახლეობის 70% სოფლად ცხოვრობდა, გაეროს წინასწარ გათვლებით  შეგვიძლია ვივარაუდოთ, რომ 2050 წლისთვის  მსოფლიო მოსახლეობის 70% უკვე ქალაქებში იცხოვრებს. 

რადგან, დღეს ქალაქი მეტად დატვირთული, ხმაურიანი, დაბინძურებული და ქაოტური გახდა  პრესტიჟულმა საცხოვრებელმა ადგილებმა  ცენტრიდან  მისი შემოგარენში, სუფთა,  ეკოლოგიურად ჯანსაღ  გარემოში გადაინაცვლა. 

დღეს კომფორტი საკუთარ სახლში გაცილებით მაღალია ვიდრე ბინაში.

საკუთარი სახლი ეს არის:

• დიდი საცხოვრებელი ფართი,
• ეკოლოგიურად სუფთა გარემო,
• პირადი სივრცე,
• შენი საკუთარი მიწა.

პირადი სივრცის განცდა - კერძო სახლში  უფრო მეტად იგრძნობა, რადგან თქვენ არ გყავთ კედლის მიღმა მეზობელი, რომლის ხმაურიც შეგაწუხებდათ. თქვენ არ გიწევთ პარკინგისთვის ბრძოლა, რადგან თქვენი პირადი ატოფარეხი გაქვთ. არ გიწევთ დილით ადრე ადგომა ძაღლის გასასეირნებლად, რადგან საკუთარი ეზო გაქვთ.  ბავშვებს არ სჭირდებათ ეზოში  ჩაყოლა, რადგან მათ თვალყურს ფანჯრიდანაც ადევნებთ. 

იმ შემთხვევაშიც კი, თუ  სახლი ქალაქთან ახლოსა საკუთარი ეზოს საშუალებით თქვენ მანიც გაქვთ ბუნებასთან სიახლოვე. საკუთარ ეზოში უამრავი რამის გაკეთება შეგიძლიათ. მოიწყოთ პატარა ოაზისი, რომელშიც დღის ნებისმიერ მონაკვეთში შეძლებთ განტვირთვას და დასვენებას. 

საკუთარ მიწაზე სახლთან ერთად შეგიძლიათ აშენოთ დამატებითი ნაგებობები: ავტოფარეხი, მარანი, გაკეთოთ აუზი. ასევე სურვილის შემთხვევაში მოიყვანოთ სხვადასხვა ბოსტნეული და მწვანილი. შეიქმნათ გარემო, რომელიც მთლიანად თქვენზე იქნება მორგებული. 

სახლი არის ადგილი, სადაც ყოველთვის კომფორტულად ვგრძნობთ თავს, ვისვენებთ, სადაც ყოველ წუთს დიდი სიამოვნება მოაქვს. ადგილი რომელიც ასოცირდება მოგონებებთან. ამიტომაც არჩევანი თქვენზეა.