ბინის შეძენა რთული და საპასუხისმგებლო პროცესია. ადამიანის ცხოვრებაში ეს საკმაოდ სერიოზული ნაბიჯია. ყველა აცნობიერებს ფაქტს, რომ ეს ერთ-ერთი უმსხვილესი ინვესტიციაა, რომელსაც ცხოვრების განმავლობაში ახორციელებს.

იმისთვის, რომ არ დაეცეს და პირიქით დროთა განმავლობაში მოიმატოს თქვენ მიერ შეძენილი უძრავი ქონების ღირებულებამ, მას მოვლა პატრონობა სჭირდება, სწორედ ამიტომ ყველას უნდა სუფთა და განათებული სადარბაზო, გამართული ლიფტი, სისუფთავისა და წესრიგის დაცვა საერთო ზონებში, უსაფრთხოება (დაცვის სამსახური და კამერები) და რაც მთავარია, ფინანსური საკითხების მართვა. თუმცა, საჭირო ხარჯების შეგროვებასა და ყოველთვიური დანაზოგის შექმნა ხშირ შემთხვევაში პრობლემას წარმოადგენს, ვინაიდან  თქვენ სამეზობლოში აუცილებლად შევხვდებით გულგრილ მობინადრეებს, რომლებიც თანხის დადების ვალდებულებასა თუ საჭიროებას ვერ ხედავენ. 

მსგავსი პრობლემის გადასაჭრელად  ახალაშენებული კორპუსის მოსახლეობა ქმნის ამხანაგობას  და  ბინათმესაკუთრეთა საერთო ქონებასთან დაკავშირებული საკითხების მოსაგვარებლად საკონტაქტოდ ირჩევენ კორპუსის თავმჯდომარეს, რომელიც არჩეული უნდა იყოს  მობინადრეთა ხმათა უმრავლესობით. სწორედ მან უნდა გადმოიბაროს დეველოპერული კომპანიის მიერ შესრულებული ჩაბარების პირობებში მითითებული სამუშაოები (მოპირკეთებული გარე ფასადი, კეთილმოწყობილი ეზო, გამართულად მომუშავე ლიფტი, მოწესრიგებული სადარბაზო, გარე განათება და მოწყობილი ავტოფარეხი).

ასევე არსებობს მეორე გზაც - კორპუსის სპეციალური კომპანიისთვის ჩაბარება, რომელიც თავის თავზე აიღებს  კორპუსის მოვლასთან დაკავშირებული ნებისმიერი მომსახურებას და თქვენთან ერთად იმუშავებს ყველა სერვისის უზრუნველყოფაზე. 

არა ნაკლებ ეფექტურია კორპუსის მაცხოვრებლების მიერ სოციალურ ქსელებში სპეციალური ჯგუფის შექმნა, სადაც ღიად მოხდება არაკეთილსინდისიერი მეზობლების “მხილება”  და კორპუსის პრობლემების გაზიარება.