დღეს ადამიანებისთვის კომფორტი ჯანმრთელ გარემოსთან ასოცირდება ამიტომ ისინი ცდილობენ თავიანთი ინტერიერი უფრო ეკომეგობრულ, ჯანსაღ სივრცედ გადააქციონ. 

არსებობს რამდენიმე მეთოდი, რომელიც თქვენს ბინას უფრო ეკომეგობრულ სივრცედ აქცევს. 

• მცენარეები

ეკომეგობრული ინტერიერის შესაქმნელად ინტერიერში მცენარეების სიმრავლე აუცილებელი კომპონენტია.

• ბუნებრივი ნათება

დაკიდეთ გამჭირვალე ფარდები და გაანათეთ სახლი მზის ბუნებრივი შუქით.

• ბუნებრივი მასალისგან დამზადებული ავეჯი

დადგით ხის ავეჯი. გამოიყენეთ ბუნებრივი მასალისგან დამზადებული ტექსტილი, მათ საუკეთესო ტექსტურა აქვთ. შეარჩიეთ შალის, მატყლის ხალიჩები და აბრეშუმის გადასაფარებლები და სხვა. 

*ასევე ეკომეგობრული გარემოსთვის უმჯობესი იქნება პარკეტის ან ქვის იატაკის დაგება.

გარდა ეკომეგობრული გარემოსა იდეალური ბინისთვის აუცილებელია წესრიგი, რადგან სახლში არეულობა ჩვენს გონებას ტვირთავს და დასვენების საშუალებას არ აძლევს.

ერთია, სახლის დალაგება, მაგრამ მეორე, მისი ისეთ წესრიგში მოყვანა, რომ ყველა ნივთს თავისი ადგილი ჰქონდეს. 

გამოიყენეთ ცოტა, მაგრამ ძვირფასი დეკორატიული ნივთები. დატოვეთ, მხოლოდ ის ნივთები, რომელიც ნამდვილად გიყვართ და მოგწონთ, ეს არ გამოიწვევს ინტერიერის გადატვირთვას.

სახლში განსაკუთრებული გარემოს შექმნაში ასევე დაგეხმარებათ არომატები. ყვავილები, სურნელოვანი სანთლები და სახლის სპეციალური სუნამო, რომელიც შეგიძლიათ წელიწადის დროის მიხედვითაც ცვალოთ. ეს შექმნის მშვიდ, წყნარ გარემოს და დადებითად იმოქმედებს თქვენს ფსიქიკურ ჯანმრთელობაზეც. 

გახსოვდეთ, რომ თქვენი ბინის ატმოსფერო განსაზღვრავს იმას, თუ როგორ იგრძნობთ თავს მთელი დღის განმავლობაში, როგორ დაიწყებთ დილას და როგორ დაისვენებთ საღამოს.