back-arrow
ფერთა ტერმინოლოგია და მნიშვნელობა 
12.09.2022 გააზიარე: Facebook კატეგორია: სიახლეები

ფერთა ტერმინოლოგია და მნიშვნელობა 

ინტერიერის საკუთარი ხელით შექმნისას, თქვენ წინ უამრავი საინტერესო თავგადასავალი გელით, რომელსაც ნაბიჯ-ნაბიჯ უნდა გაჰყვეთ. ამ გზაზე თქვენი მთავარი ამოცანა, რომელიც უნდა შეასრულოთ არის საკუთარ სურვილებსა და მიზნებზე ორიენტირებული სივრცის შექმნა, რომელიც თქვენ გემოვნებასა და ემოციურ ფონს მკაფიოდ გამოხატავს. ამ პროცესის წარმატებით განხორციელებაში ფერები დაგეხმარებიან, რადგან მათ ადამიანის ცხოვრებაზე დიდი ფიზიკური და ფსიქოლოგიური გავლენა აქვთ. ფერებს შეუძლია შეცვალოს თქვენი განწყობა და აღძრას სხვადასხვა ემოცია - როგორც დადებითი ასევე უარყოფითი. ზოგიერთი მეცნიერი თვლის, რომ ფერის მიხედვით ადამიანის პიროვნების ამოცნობაც კი შეიძლება. ამიტომ ფერების მნიშვნელობის და მასთან დაკავშირებული ტერმინების ცოდნით მარტივად შექმნით მყუდრო ინტერიერს.

ფერები

ფერები ადამიანის აღქმაზე დიდ გავლენას ახდენს, სწორედ ამიტომ შეიქნა ფერთა წრე, რომელიც გვიჩვენებს ძირითად და დამატებით ფერთა შორის დამოკიდებულებას. მას იყენებენ ფერების სწორი კომბინაციების მოსაძებნად და სასურველი ემოციის შესაქმნელად. 

განვიხილოთ თითოეულ მათგანი:

მთავარი ფერები

უნივერსალური ფერები, რომელთა მიღება შეუძლებელია შერევით არის: 

  • წითელი
  • ყვითელი
  • ლურჯი

მეორეული ფერები

ფერები, რომლებიც წარმოიქმნება ორი ძირითადი ფერის პროპორციული შერევით.

  • წითელი + ყვითელი = ნარინჯისფერი
  • წითელი + ლურჯი = იასამნისფერი
  • ყვითელი + ლურჯი = მწვანე

მესამეული ფერები

ფერების თეორიის მიხედვით მესამეული ფერი არის ერთი მთავარი ფერის მის უახლოეს მეორეხარისხოვან ფერთან შერევის შედეგი. სწორედ ეს ფერები გვხვდება ბუნებაში ყველაზე მეტად, ისინი პრაქტიკულად უსასრულოა, თუმცა ყოველთვის ემყარება პირველად და მეორად ძირითად ფერებს.

  • ყვითელი + ნარინჯისფერი-= ყვითელი-ნარინჯისფერი
  • წითელი + ნარინჯისფერი= წითელი-ნარინჯისფერი
  • წითელი + მეწამული = წითელი-იისფერი
  • ლურჯი + იასამნისფერი = ლურჯი-იისფერი
  • ლურჯი + მწვანე = ლურჯი-მწვანე
  • ყვითელი + მწვანე = ყვითელი-მწვანე

ინტენსიური

განვიხილოთ ფერების ფსიქოლოგია

წითელი - ინტენსიური და ვნების აღმძვრელი ფერია. აგრესიული, ენერგიული და პროვოკაციულია, რომლიც მარტივად იქცევს ყურადღებას. ადამიანს ოპტიმიზმით ავსებს და თავდაჯერებულობას სძენს. ფერის ფსიქოლოგიაში, წითელი ყველაზე ინტენსიური ფერია და შეუძლია ძლიერი ემოციების პროვოცირება.

ყვითელი - მხიარული და ენერგიული ფერია, რომელიც მზესთან ასოცირდება. თავისუფლების ფერია, რომელსაც სივრცეში ხალისიანი განწყობა შემოაქვს. ბედნიერებას იწვევს და კრეატივისა და ენერგიის სტიმულირებას ახდენს. ყვითელი ფერის მთავარი მესიჯია - პოზიტიურობა, სითბო, მოტივაცია და კრეატიულობა. 

ლურჯი - სტაბილური და ნდობის აღმძვრელი ფერია. ფერების ფსიქოლოგიაში დაკავშირებულია ზღვასა და ცასთან. ლურჯი ფერი ხელს უწყობს ინტელექტუალური აზრების განვითარებას. ამ ფერის ყურებისას ადამიანს სიმშვიდის და ჰარმონიის განცდა ეუფლება. 

ნარინჯისფერი - სიხარულთან ასოცირდება, იწვევს აქტიურობას და სითბოს. სიცოცხლით სავსე ფერია, რომელიც ადამიანში სხავდასხვა შეგრძნებებს აღვიძებს როგორიცაა: სითამამე, ენერგიულობა, ენთუზიაზმი, წარმატება. თუ მეოცნება და კარგი ინტუიციის მქონე ადამიანი ხართ ეს ნამდვილად თქვენი ფერია. 

იასამნისფერი - მისტიკური ფერია, რომელიც სამეფო ფერად მიჩნევა. იგი დაკავშირებულია კეთილშობილებასთან, ფუფუნებასა და სიბრძნესთან. ადამიანში იასამნისფერი თანადგომისა და დახმარების მოთხოვნილებას იწვევს. არის იდუმალი, ნოსტალგიური და სულიერი. ზოგჯერ დაუმორჩილებლობის ფერადაც კი აღიქმება. 

მწვანე - ბუნებისა და პლანეტების ფერია და სიცოცხლესთან ასოცირდება. სიმშვიდის, სისუფთავისა და ჯანმრთელობის სინონიმია. ფერის ფსიქოლოგიაში მისი მთავარი მესიჯია სიმდიდრე, ჯანმრთელობა, პრესტიჟულობა და სიმშვიდეა.

ნეიტრალური

ინტერიერის დიზაინის საბაზისო დონეზე ცოდნა და კარგი გემოვნება ის იდეალური ნაზავია, რომლის მეშვეობითაც მარტივად შეძლებთ თქვენ საჭიროებებზე და სურვილებზე მორგებული ბინის შექმნას.
ხოლო ფერის და მასთან დაკავშირებული ტერმინების ცოდნა კი თქვენი სახლისთვის სწორი ფერების შერჩევაში დაგეხმარებათ.

ურბანიზაცია ევროპულ ქალაქებში- ეკოლოგიური მდგომარეობის შეფასების უნიკალური სისტემა

გაერთიანებული ერების მსოფლიო ორგანიზაციის ბოლო მონაცემებით, ევროპის მოსახლეობის საერთო რაოდენობის დაახლოებით 75% ქალაქებშია თავმოყრილი

რატომ უნდა შეიძინო ბინა საცხოვრებელ კომპლექსში ?

სახლის შეძენა ცხოვრებაში ძალიან მნიშვნელოვანი ნაბიჯია, შესაბამისად სანამ სასურველ საცხოვრებელს

თბილისში უძრავი ქონების ფასები გაიზარდა

საქართველოში საცხოვრებელი უძრავი ქონების ბაზარზე კვლავ მაღალი ფასი ნარჩუნდება

მსოფლიო ურბანიზაცია და საქართველო

ურბანიზაცია მსოფლიოს ერთ-ერთი უდიდესი გლობალური პროცესია, რომელიც განსაკუთრებულ ადგილს იკავებს მდგრადი განვითარების მიზნებში

რისი გაკეთება შეიძლება დიდ აივანზე?

ნტერიერის დიზაინში, ბოლო პერიოდში ძალიან აქტუალურია მცენარეების დეკორად გამოყენება