როდესაც ადამიანები ახალ კორპუსში ბინას ირჩევენ, ბევრი ფაქტორი და ნიუანსი უნდა გაითვალისწინონ. მოდით ვისაუბროთ 5 მთავარ საკითხზე, რომელსაც პირველ რიგში უნდა მიაქციოთ ყურადღება. 

შეამოწმეთ დეველოპერის სანდოობა 
დეველოპერის გამოცდილება, რეპუტაცია და საიმედოობა - ეს ის მნიშვნელოვანი ფაქტორებია, რომლებსაც პირველ რიგში უნდა მიაქციოთ ყურადღება მშენებარე კორპუსში ბინის შეძენისას.  
შეისწავლეთ დეველოპერები, შეაგროვეთ ინფორმაცია მათ შესახებ. თქვენ შეგიძლიათ იპოვოთ ინფორმაცია მიმდინარე მშენებლობის შესახებ, უკვე დასრულებულ პროექტებზე, თვითონ კომპანიაზე და მის პარტნიორებზე (ეს ინფორმაცია განთავსებული უნდა იყოს დეველოპერული კომპანის ვებ გვერდზე). 
შეამოწმეთ წესრიგშია თუ არა სამშენებლო დოკუმენტაცია. ქართული კანონმდებლობის თანახმად, დეველოპერებმა  საჯაროდ ხელმისაწვდომი უნდა გახადოს დოკუმენტები, რომლებიც ადასტურებენ მიწის ნაკვეთის, საპროექტო დოკუმენტაციისა და მშენებლობის ნებართვის უფლებები ( ამ ინფორმაციის ნახვა შეგიძლიათ მშენებლობის საკადასტრო კოდით tas.ge- ზე). 

შეაფასეთ სახლის ადგილმდებარეობა
ბინების თვალიერების  მათი მდებარეობის მიხედვით დროს გამოთვალეთ დრო, რომელიც სხვადასხვა ყოველდღიურ საქმეებზე (სამსახური, სწავლა და სხვ.) სიარულისას დაგეხარჯებათ.  ამ ფაქტორების გათვალისწინებით თქვენ გექნებათ ორი ვარიანტი: პიტველი- აირჩიოთ ბინა სამსახურთან ან უნივერსიტეტთან ახლოს ან ოპტიმალური მდებარეობის შერჩევა, რომელიც ახლოს იქნება თქვენთვის საჭირო ინფრასტრუქტურასთან.

მაგალითად: საბავშვო ბაღები, სკოლები და კლინიკები, მაღაზიები, საფოსტო ოფისები, აფთიაქები და ბანკები.

ასევე მნიშვნელოვანი უპირატესობაა მწვანე ზონა, განსაკუთრებით ჯანსაღი ცხოვრების წესის მოყვარულთათვის და ოჯახებისთვის, რომლებსაც მცირეწლოვანი ბავშვები ჰყავთ. კარგია, თუ სახლთან ახლოს იქნება არის პარკი ან ტყე ადგილი სადაც შეგიძლიათ ისუნთქოთ სუფთა ჰაერი და ისეირნოთ ოჯახთან ერთად.
შეაფასეთ ტერიტორიის განვითარების პერსპექტივები, როგორ შეიძლება გაიზარდოს ბინის ფასი მომავალში, რა ინფრასტრუქტურული პროექტები შეიძლება დაიწყოს თქვენ სახლთან ახლოს. 

აირჩიეთ განლაგება და სართული
ბინის ფართობზე და ოთახების განლაგებაზე გავლენას ახდენს: ფინანსები, ოჯახის საჭიროებები და ყველაზე ბოლოს ადამიანის გემოვნება. 
დეველოპერული კომპანიების უმრავლესობა დღეს გთავაზობთ ყველა ზომის ფართს, რომელშიც შიდა ტიხრებს თავად აპროექტებთ, ამიტომ მშენებარე კორპუსში ბინის შეძენა უფრო მრავალფეროვან შესაძლებლობებს გაძლევთ თქვენთვის იდეალური სახლის მოსაწყობად. 
ყურადღება მიაქციეთ ჭერის სიმაღლეს. ბინებში, სადაც ჭერი მაღალია ბინა „სუნთქავს“ და მასში მეტი სივრცეა. ასევე ნახეთ, სად არის ფანჯრები და იქნება თუ არა ბინაში ბევრი ბუნებრივი შუქი. მზიანი ფანჯრები, რომლებიც გადაჰყურებს კეთილმოწყობილ პარკს ბინას დამატებით ღირებულებას სძენს.
შეხედე გეგმას, რამდენი ბინა იქნება შენ სართულზე, ეს მნიშვნელოვანია, რადგან რაც უფრო ცოტა ბინა მით უფრო მეტი სიმშვიდე იქნება. 
ასევე თუ ყიდულობთ ბინას ქუჩასთან ახლოს აირჩიეთ უფრო მაღალი სართული. ამით თავიდან აიცილებთ გამონაბოლქვს და ხმაურს. 
ხოლო თუ ოჯახში ხანდაზმული ადამიანები არიან ან ბინას მშობლებისთვის ყიდულობთ, მაშინ შეარჩიეთ ბინა რომელიც იქნება  პირველ ან მეორე სართულზე.

გაიგეთ ფასი და გადახდის პირობები
ფასი ალბათ ყველაზე დიდი თავის ტკივილია მათთვის, ვინც უძრავი ქონების შეძენას გადაწყვეტს. არ იჩქარო. აწონ-დაწონეთ ყველა დადებითი და უარყოფითი მხარე. გაიარეთ კონსულტაცია ოჯახთან და რაც მთავარია, ყურადღებით შეისწავლეთ შეთავაზებები ბაზარზე. 
როცა მშენებლობა ახალი დაწყებულია დეველოპერული კომპანიები მომხმარებლებს პროექტის დასრულებამდე უპროცენტო შიდა განვადებას სთავაზობენ. ეს კარგი ვარიანტია მათთვის ვინც არ ჩქარობს ახალ ბინაში გადასვლას.
დაიმახსოვრეთ, რაც უფრო ახლოვდება კორპუსის ექსპლუატაციაში ჩაშვების და გასაღებების გაცემის ვადა,  მით უფრო ძვირდება ბინის საფასური.
ბინის იპოთეკით შეძენის შემთხვევაში გაეცანით სამშენებლო კომპანიების პარტნიორი ბანკების შეთავაზებებს. 
ბინის ფასი ძირითადად განისაზღვრება  ადგილმდებარეობის, მშენებლობის ხარისხის და მშენებლობის დასრულების ვადის მიხედვით. 

ნახე სახლი საკუთარი თვალით
როდესაც საქმე ბინის შეძენას ეხება კარგია თუ მშენებლობას ადგილზე ნახავთ. ეს დაგეხმარებათ: უბნის გაცნობაში, მშენებლობის ხარისხის შემოწმებაში და არჩევანის სისწორეში დარწმუნებაში. 
თუ საცხოვრებელ გარემოს იცვლით მაშინ სცადეთ ისეთი სიტუაციის სიმულაცია წარმოიდგინეთ თითქოს უკვე ცხოვრობთ აქ. გადადით უახლოეს მაღაზიაში, ავტობუსის ან მეტროს გაჩერებამდე, დაათვალიერეთ ეზო,  სათამაშო მოედნები, პარკები, ავტომობილის გასაჩერებელი ადგილები - იგრძენით თავი ადგილობრივად.
თუ თქვენ არ იმყოფებით ქვეყანაში და ბინას საზღვარგარეთიდან ყიდულობთ მაშინ ადგილმდებარეობა შეგიძლიათ Google Maps-ის გამოყენებით დაათვალიეროთ. ასევე შეგიძლიათ შეეხმიანოთ თქვენ ნაცნობებს ან ნათესავებს, რომლებიც ამავე უბანში ცხოვრობენ და ჰკითხოთ აზრი.