ბინის შეძენა ცხოვრებაში ერთ-ერთი ყველაზე დიდი ფინანსური ნაბიჯია. სრული თანხის ერთიანად გადახდა ყოველთვის მარტივი არ არის, ხოლო ბანკის გრძელვადიანი ვალდებულებები და მკაცრი პროცედურები ბევრს აშინებს. რა არის ალტერნატივა ?

გამოსავალი შიდა განვადებაა. გზა, რომელიც გაძლევთ საშუალებას, ბინის საფასური დეველოპერს ეტაპობრივად, თქვენს შემოსავლებზე მორგებული გრაფიკით გადაუხადოთ, ყოველგვარი საბანკო ბიუროკრატიის გარეშე.

როგორ მუშაობს შიდა განვადება?

მოდით, კონკრეტული რიცხვებით ვისაუბროთ. წარმოიდგინეთ, რომ თქვენი საოცნებო ბინა 100 000 დოლარი ღირს. თუ დეველოპერი 20%-იან პირველად შენატანს ითხოვს, თქვენ იხდით 20 000 დოლარს და ბინა უკვე თქვენია! დარჩენილი 80 000 დოლარი კი მშვიდად, ყოველთვიურად ნაწილდება წინასწარ შეთანხმებულ ვადაზე.

თუმცა, რეალური პირობები ყველა კომპანიაში სხვადასხვაა და სწორედ აქ იწყება ყველაზე მნიშვნელოვანი ეტაპი.


შიდა განვადება თუ იპოთეკა ?

რატომ ამბობს ხალხი უარს იპოთეკაზე და ირჩევს დეველოპერთან პირდაპირ შეთანხმებას? მთავარი მიზეზი აქ მოქნილობაა.

იპოთეკური სესხის დროს თქვენ საქმე გაქვთ ბანკთან, თავისი მკაცრი წესებითა და გრძელვადიანი საპროცენტო განაკვეთებით. შიდა განვადების დროს კი პირობებს პირდაპირ დეველოპერთან ათანხმებთ. ეს იდეალური გამოსავალია მათთვის, ვისაც სურს თანხის ეტაპობრივი დაფარვა ისე, რომ მომავალ წლებში თავი ფინანსურ წნეხში არ იგრძნოს.


რას უნდა მიაქციოთ ყურადღება?

შიდა განვადების არჩევისას მხოლოდ დაბალი ყოველთვიური გადასახადის ნახვა საკმარისი არ არის. წინასწარ უნდა გაითვალისწინოთ:

• პირველადი შენატანი: რამდენად კომფორტულია ეს თანხა თქვენი დღევანდელი ბიუჯეტისთვის?

• ვადები და გრაფიკი: რამდენ თვეზე/წელზე ნაწილდება გადასახადი?

• დაფარვის პირობები: რა ხდება ვადის ბოლოს? (ხომ არ გიწევთ დარჩენილი დიდი თანხის ერთიანად დაფარვა).

დაბალი ყოველთვიური გადასახადი ავტომატურად არ ნიშნავს, რომ კონკრეტული შეთავაზება ფინანსურად უკეთესია - ყურადღება უნდა მიაქციოთ ბინის საბოლოო ღირებულებას, განვადების ვადასა და ყველა დამატებით პირობას.


შიდა განვადება "ალფა სახლში“

"ალფა სახლის“ პროექტებში შიდა განვადების პირობები კონკრეტული პროექტისა და ბინის მიხედვით განსხვავდება. მყიდველს შეუძლია აირჩიოს მის ფინანსურ შესაძლებლობებზე მორგებული გადახდის პირობები. განვადების ვადა, პირველადი შენატანი და გადახდის გრაფიკი შეთავაზების მიხედვით განისაზღვრება.

ამიტომ ბინის შეძენამდე მნიშვნელოვანია დეტალურად გაეცნოთ კონკრეტულ პირობებს და წინასწარ გაითვალისწინოთ, რა თანხის გადახდა მოგიწევთ როგორც თავდაპირველად, ისე განვადების მთელი პერიოდის განმავლობაში.