*7171
back-arrow
მშენებლობის რა ეტაპზე უნდა შეიძინო ბინა?
08.04.2024 გააზიარე: Facebook კატეგორია: სიახლეები

მშენებლობის რა ეტაპზე უნდა შეიძინო ბინა?

ბინა არის ადგილი, რომელსაც ყველა ჩვენგანის ცხოვრებაში დიდი ადგილი უჭირავს და ყოველდღიური ცხოვრების მრავალ ასპექტს განსაზღვრავს. სწორედ ამიტომ მისი შეძენა ძალიან საპასუხისმგებლო ნაბიჯია, რომელსაც ბევრი ფიქრი სჭირდება, რათა მიღებული გადაწყვეტილება არ ინანოთ. სანამ არჩევანს გააკეთებთ და მის შეძენას გადაწყვეტთ უნდა განიხილოთ ყველა შესაძლო ვარიანტი, რათა თქვენთვის იდეალური საცხოვრებელი შეარჩიოთ. ამ დროს გიჩნდებათ კითხვები - რომელი ბინის შეძენა სჯობს? - ძველ აშენებულ პროექტში, რომელიც უკვე იცი, რომ წლებია დგას თუ მიმდინარე პროექტში, რომლის მშენებლობა ახალი დაწყებულია? ამ კითხვებზე პასუხს ამ ბლოგში მიიღებთ.

მზარდი მოთხოვნა - მზარდი ფასი

უძრავი ქონების ფასი ძირითად შემთხვევებში ზრდადია, ამიტომ ითვლება ის საუკეთესო კაპიტალად. ბინის შერჩევისას მყიდველი რიგ ფაქტორებს ითვალისწინებს, რომელთანაგაც გადამწყვეტი, ალბათ, ყოველთვის ფასია. უძრავი ქონების ღირებულება რეგულირდება მისი ფართის, პრესტიჟული და კომფორტული მდებარეობის, ხარისხისა თუ სხვა ფაქტორების მიხდვით. საინვესტიციო უძრავი ქონების შეძენის საუკეთესო პერიოდად მშენებლობის საწყისი ფაზა მიიჩნევა, რადგან ამ დროს უძრავი ქონების ფასი შედარებით დაბალია. პროექტის ეტაპების ცვლილებასთან ერთად კი ფასიც იზრდება. 

  • კორპუსის ბინების ჯამური რაოდენობის გაყიდვების ან/და  მშენებლობის პროცესის 20%-ის დასრულების შემდეგ ფასი იმატებს 7%-ით;
  • 50%-ის გაყიდვა/აშენებისას 10%-ით;
  • ხოლო 80%-ის გაყიდვა/აშენებისას 15%-ით.

მისაღები

ცნობადობა და საჯაროობა

მშენებარე პროექტში ბინის შეძენისას შეგიძლია ყველა ინფორმაცია მოიძიო კომპანიის ისტორიისა და გამოცდილების შესახებ. დეველოპერული კომპანია, რომელიც საკუთარი სამუშაოს ხარისხში დარწმუნებულია, ყველანაირად ეცდება, რომ თვალსაჩინო და სრულად გამჭვირვალე იყოს. დაინტერესებულ ადამიანს მარტივად შეუძლია კომპანიის შესახებ მოიძიოს ინფორმაცია, რაც უფრო მეტი პუბლიკაცია მოიპოვება კომპანიის შესახებ მით უფრო სანდოა სამშენებლო კომპანია. 

საერთო სტანდარტიზაცია

საცხოვრებელი კორპუსების მშენებლობებისთვის, კანონმდებლობით დამტკიცებული სტანდარტის თანახმად, სამშენებლო კომპანიებს, რიგი ვალდებულებები დაეკისრათ, რაც დაცული უნდა იქნეს პროექტის მშენებლობის ნებართვის მიღების დროს. პროექტის შედგენისას ხორციელდება ადგილის საფუძვლიანი შესწავლა, ტარდება გეოლოგიური და გეოდეზიური კვლევები. ამასთან, ქალაქის საპროექტო სამსახურს დადგენილი აქვს სიმაღლის კოეფიციენტი, რომლის მიხედვითაც განისაზღვრება, კონკრეტულ ტერიტორიაზე, მაქსიმუმ რამდენ სართულიანი შენობის აშენებაა რეკომენდირებული.

ექსპლუატაცია

შენობა-ნაგებობები ექსპლუატაციის ხანგრძლივობის მიხედვით 3 კატეგორიად იყოფა:

  • I კატეგორია - ეს არის დროებით შენობა-ნაგებობები და მათი მაქსიმალური, საგარანტიო ექსპლუატაციის ვადა 20 წელია;
  • II კატეგორია - არის 5 სართულამდე შენობები. მათი ექსპლუატაციის ვადა 20-40 წელია;
  • III კატეგორია - მოიცავს ცხრასართულიან და უფრო მაღალ კორპუსებს და მათი საგარანტიო ექსპლუატაციის ვადა 100 ან ზოგ შემთხვევაში უფრო მეტი წელია.

ახალი შენობების ექსპლუატაციის ვადა 100 წელზე მეტია. აღნიშნული ფაქტორი ძირითადად დამოკიდებულია მშენებლობის პროცესში გამოყენებულ სამშენებლო-სარემონტო მასალების ხარისხზე, რაც სხვა მნიშვნელოვან დეტალთან ერთად, იმ სტანდარტით არის განსაზღვრული, რომლის დაცვაც სავალდებულოა მშენებლობის ნებართვის მისაღებად.

დოკუმენტაცია

მიმდინარე პროექტში ბინის შეძენისა თქვენ ძირითადი კომუნიკაცია გაქვთ კომპანიასთან და არა ფიზიკურ პირთან. შესაბამისად ყველა შესაძლებლობა გაქვთ სრულად გაეცნოთ კომპანიას, მათ ისტორიას, პროექტის დოკუმენტაციას და ნასყიდობის ხელშეკრულებას. ყურადღება მიაქციეთ შემდეგ პუნქტებს:

  • საპროექტო დოკუმენტაცია;
  • მშენებლობის ნებართვა;
  • საჯარო რეესტრის ჩანაწერი მიწის ნაკვეთის შესახებ;
  • წინარე და ერთიანი ნასყიდობის ხელშეკრულებები.

სამზარეულო

მშენებლობის პროცესის კონტროლი

თქვენ საშუალება გაქვთ, თვალი ადევნოთ მშენებლობის პროცესს მიწის სამუშაოების დაწყებიდან მის სრულად ჩაბარებამდე, ასევე შეგიძლიათ, მოითხოვოთ ყველა საჭირო ინფორმაცია სამშენებლო-სარემონტო მასალებთან დაკავშირებით, რაც დაგეხმარებათ, დარწმუნდეთ კომპანიისა და მშენებლობის სანდოობაში.

რატომ უნდა განახორციელო ინვესტიცია ზღვისპირა კურორტზე?

უძრავ ქონებაში ინვესტირება ყოველთვის ითვლებოდა სტაბილურ და მომგებიან გადაწყვეტილებად

იცხოვრე დასრულებულ პროექტში კიკვიძის ბაღთან

''ალფა სახლი" ქმნის კომფორტულ, ხარისხიან, ადამიანების გემოვნებასა და მოთხოვნებზე ორიენტირებულ სამშენებლო პროექტებს

დიდი სახლი - კომფორტის, პრაქტიკულობის და შესაძლებლობების სამყარო

დიდი სახლი ხშირად დუპლექსის ფორმით გვხვდება, რაც დამატებით უპირატესობებს ქმნის.

როგორია დიდი დიღმის საინვესტიციო პოტენციალი?

თბილისის ჩრდილო-დასავლეთით მდებარე დიდი დიღომი სწრაფად მზარდი უბანია

აირჩიე ბუნებასთან სიახლოვე - დაისვენე შეკვეთილში

შეკვეთილი საქართველოს გამორჩეული და უნიკალური კურორტია