პირველ რიგში უნდა დავფიქრდეთ და გავაანალიზოთ საბოლოო ჯამში რისი მიღება გვსურს. შემდგომ ყველა სურვილი, ჩანაფიქრი უნდა გადმოვიტანოთ ფურცელზე, მარტო ფიქრებით და წარმოდგენით ვერ შეძლებთ რეალური სურათის დანახვას. ზოგ შემთხვევაში შეიძლება ბინის ფართმა ვერ მოგვცეს ყველა ჩვენი სურვილის ასრულების საშუალება, ამ დროს უნდა გადახედოთ თქვენ გეგმებს და იპოვოთ ოპტიმალური ვარიანტი და შექმნათ ისეთი გარემო, რომელიც წლების განმავლობაში კომფორტსა და სიამოვნებას მოგანიჭებთ. რა უნდა გავითვალისწინოთ:
ბინის არჩევისას თქვენ უკვე უნდა გქონდეთ წარმოდგენა იმის შესახებ, თუ როგორ აპირებთ მის მოწყობას, რადგან ამის გარეშე შეიძლება იყიდოთ ისეთი ბინა, რომელიც ვერ დააკმაყოფილებს თქვენ მოთხოვნებს. ამ შემთხვევაში თქვენ მოგიწევთ მოაწყოთ ის არა ისე, როგორც გსურთ არამედ ისე როგორც გამოვა.
ბინის დიზაინი ბევ რამეზეა დამოკიდებული. მის შერჩევისას უნდა გაითვალისწინოთ: თქვენი ცხოვრების სტილი, ადამიანების რაოდენობა, რომლებთან ერთადაც მოგიწევთ მისი გაყოფა, თქვენი ყოველდღიურობა. დაფიქრდით და გაიაზრეთ რა არის თქვენთვის პრიორიტეტული- მაგალითად: თუ სამზარეულოში დიდი დროის გატარება გიწევთ მაშინ ის რაც შეიძლება კომფორტული უნდა იყოს ვიდრე სხვა რომელიმე ოთახი, ან თუ ხართ ფრილანსერი და გიწევთ სახლიდან მუშაობა საკუთარი მყუდრო კაბინეტის ქონა თქვენთვის პრიორიტეტი იქნება. ამიტომ ბინის შეძენამდე კარგად დაფიქრდით თქვენს პრიორიტეტებზე წარმოიდგინეთ მომავალი ბინა და მიღეთ სწორი გადაწყვეტილება.
შესაძლოა, ქაღალდზე ყველაფერი მშვენივრად გამოიყურებოდეს, თუმცა ბინაში გადასვლის შემდეგ დაშვებული შეცდომები გამოჩნდეს. ამიტომაც ბინის დაგეგმარებისას არ არის ასაკმარის უბრალოდ მისი სხვადასხვა ფუნქციონალურ ზონებად დაყოფა. დაგეგმარების დროს მნიშვნელოვანია ასევე გაითვალისწინოთ ავეჯის განლაგება. საჭიროა ზუსტად განისაზღვროს თითოეული ნივთის ადგილი და ფუნქცია (ამას ძალიან დიდი მნიშვნელობა აქვს მაშინ, როცა საქმე პატარა ბინას ეხება).
- აუცილებლად გასათვალისწინებელი რჩევები
ბინის ზონებად დაყოფა მთლიანად თქვენ გემოვნებაზე და სურვლიებზეა დამოკიდებული, მაგრამ არსებობს წესწბი, რომლებიც ყველაფრის მიუხედავად უნდა გაითვალსიწინოთ: პირველი და ყველაზე მნიშვნელოვანი- საძიბელს აუცილებლად უნდა ჰქონდეს ფანჯარა, ეს ჯამრთელობისთვის აუცილებელი პირობა, მეორე თუ აერთიანებთ სამზარეულოს და მისაღებ ოთახს უნდა დამონტაჟოთ ძლიერი გამწოვი, რადგან თავიდან აირიდოთ უსიამოვნო სუნი და მისაღები ოთახის ავეჯის დაზიანება, მესამე- კარგა თუ საბავშვო ოთახში იქნება ბუნებრივი სინათლე, განსაკუთრებით სამეცადიო კუთხეში( კარგია მხედველობისთვის). ბევრს ავიწყდება, მაგრამ ადამიანებს ზოგადად უჭირთ ნივთებთან განშორება, ამიტომ იმისთვის, რომ თავიდან აიცილოთ მუდმივი არეულობა არ დაიშუროთ შესანახი ადგილებისთვის ფართის დათმობა.
ეს არის სამი ძირითადი ელემენტი, რომელთა გათვალისწინებაც ბინის შეძენამდე ნამდვილად საჭირო და აუცილებელია, რათა მოიწყოთ კომფორტული- თქვენ საჭიროებებზე მორგებული სახლი, რომელიც ნამდვილ ციხესიამაგრედ იქცევა.
