back-arrow
როგორ მოვემზადოთ ახალ ბინაში გადასასვლელად?
04.02.2021 გააზიარე: Facebook კატეგორია: ცხოვრების სტილი

როგორ მოვემზადოთ ახალ ბინაში გადასასვლელად?

ახალ სახლში გადასვლა  ახალი ცხოვრების დაწყებას ნიშნავს. ეს არც ისე მარტივი საქმეა, მაგრამ თუ ყველაფერს ყურადღებით დაგეგმავთ და წინასწარ მოამზადებთ, მაშინ ყველაფერი სწრაფად, გარკვევით წავა და პროცესისგან დიდ სიამოვნებასაც მიიღებთ.

მაშ ასე, როგორ მოვიქცეთ:

მოიცილეთ ყველაფერი ზედმეტი
არასაჭირო ნივთებისგან განთავისუფლების შესანისნავი შესაძლებლობა. კარგად გადამოწმეთ თქვენი ყველა ნივთი და დაფიქრდით, რამდენად იყენებთ ან გჭირდებათ თითოეული მათგანი. ოქროს წესი — თუ უკვე ერთი წელია  რაც არ სარგებლობთ რომელიმე ნივთით, მაშინ ის არც მომავალში დაგჭირდებათ. 

თუ გაქვთ ნივთები, რომლებიც კარგ მდგომარეობაში მაგრამ არ გჭირდებათ შეგიძლიათ გააჩუქოთ ან გაყიდოთ კიდეც. თუ თქვენ არ მოიშორებთ არასაჭირო ნივთებს გადასვლემდე თქვენ ვერ შეძლებთ ახალ სახლში კომფორტული გარემოს შექმნას და თან ასევე დახარჯავთ დროს არასაჭირო ნივთებისთვის ადგილის ძიებაში. რაც უფრო ნაკები ნივთი გაქვთ ახალ ბინაში გადასვლაც უფრო მარტივია. 

გაზომეთ ავეჯის და ტექნიკის ზომები
გაზომეთ ყველა მასიური ავეჯი, რომლის ახალ სახლში წაღებასაც გეგმავთ: ამით თქვენ შეაფასებთ  ტრანსპორტირების მასშტაბს და დარწმუნდებით, რომ ყველა არჩეული ნივთი თავისუფლად შეეტევა ახალი სახლის კარში.

შეადგინეთ განლაგების გეგმა
ახალ ბინაში გადასვლამდე ტექნიკისა და ავეჯის მოსაწყობად შეადგინეთ მიახლოებითი გეგმა. ამით თავიდან აირიდებთ აურზაურს, რადგან უკვე გეცოდინებათ რომელი ნივთი რომელ ოთახში შეიტანოთ.

იპოვნეთ გადამზიდი ავტომობილი და დაიქირავეთ გადამზიდველები
შეაფასეთ ყველა გადასატანი ნივთის მოცულობა და ამის გათვალისწინებით მოახდინეთ მისი გადასატანი ტრანსპორტის დაქირავება ან თხოვება. თუ ამისთვის კომპანიას შეარჩევთ წინასწარ გარკვიეთ მისი საიმედოობა. წინასწარ შეატყვობინეთ დრო, აგილი და ნივთების კონდიცია( მტვრევადი, ძველი ან ტრანსპორტირების დროს  გასათვალისწინებელი სხვა ნიუანსები) გადამზიდ კომპანიას.

 

შეაგროვეთ და შეფუთეთ ნივთები
წინასწარ იზრუნეთ შესაფუთ მასალებზე - სჯობს მოგრჩეთ ვიდრე დაგაკლდეთ.  ბოლო წუთებში ალტერნატივის ძიება ან ნივთების უსაფრთხოების რისკის ქვეშ დაყენების თავიდან ასაცილებლად. დახარისხეთ გადასაზიდი ნივთები. პირველი ჩალაგეთ ისეთი ნივთები რომლებიც ბინაში გადასვლამდე არ დაგჭირდებათ. კარგი იქნება თუ მტვრევად ნივთებს რამდენჯერმე გადაფუთავთ.  ნუ გადადებთ შეფუთვის პროცესს ბოლო დღისთვის. კარგი იქნება თუ შეფუთულ ნივთებს დაასტიკერებთ ასე გეცოდინებათ რომელ ყუთში რა დევს.

მოამზადეთ ახალი ბინა
ახალ ბინაში შესვლამდე მოაწესრიგეთ ყველაფერი. ნივთების ამოლაგების მერეც მოგიწევთ დალაგება, მაგრამ  წინასწარ მოწესრიგებულ ბინაში ეს პროცესი უფრო მარტივი იქნება. დაიცავით იატაკი და კარებები დაზიანებისგან, კარგია თუ იატაკზე დამცავ საფარს დაგებთ.  ასევე, წინასწარ შეამოწმეთ ბინაში შემავალი ყველა კომუნიკაცია:ჩამრთველები, დენცქვიტები, წყალი, გაზი, დენი და კანალიზაცია. შეამოწმეთ სატვირთო ლიფტების მუშაობა. ასევე მოიარეთ  უბანი, რომ თუ რამე დაგჭირდებათ (მაღაზია, აფთიაქი) იცოდეთ სად წახვიდეთ და რამდენი დრო დაგჭირდებათ ამა თუ იმ ნივთის შესაძენად.  მსგავსი ნიუანსებისთვის მზადყოფნა  ცხოვრებას გაგიადვილებთ.

იზრუნეთ ბავშვებსა და შინაურ ცხოველებზე
თუ პატარა ბავშვები ან ცხოველები გყავთ, წინასწარ იფიქრეთ, როგორ მიიღებენ მონაწილეობას ისინი გადასვლის პროცეში.  ეს მათთვის  შეიძლება ძალიან დიდი სტრესი აღმოჩნდეს , ხოლო თქვენთვის კი  ზედმეტი  საზრუნავი. ამიტომ ამ პროცესის დროს  უმჯობესია თუ ბავშვებს  და შინაურ ცხოველებს  რამდენიმე დღით თქვენი ახლობლები დაიტოვებენ.

შეაგროვეთ საჭირო მინიმუმი
ზურგჩანთაში ჩალაგეთ ისეთი ნივთები, რომლებიც ბინაში გადასვლისთანავე დაგჭირდებათ: საჭირო ტანსაცმელი და ფეხსაცმელი, დოკუმენტები, ტელეფონის დამტენები, პირველადი სამედიცინო დახმარების ნაკრები, ჰიგიენური საშუალებები. ასევე შეგიძლიათ გაიმზადოთ წასახემსებელიც.

ურბანიზაცია ევროპულ ქალაქებში- ეკოლოგიური მდგომარეობის შეფასების უნიკალური სისტემა

გაერთიანებული ერების მსოფლიო ორგანიზაციის ბოლო მონაცემებით, ევროპის მოსახლეობის საერთო რაოდენობის დაახლოებით 75% ქალაქებშია თავმოყრილი

რატომ უნდა შეიძინო ბინა საცხოვრებელ კომპლექსში ?

სახლის შეძენა ცხოვრებაში ძალიან მნიშვნელოვანი ნაბიჯია, შესაბამისად სანამ სასურველ საცხოვრებელს

თბილისში უძრავი ქონების ფასები გაიზარდა

საქართველოში საცხოვრებელი უძრავი ქონების ბაზარზე კვლავ მაღალი ფასი ნარჩუნდება

მსოფლიო ურბანიზაცია და საქართველო

ურბანიზაცია მსოფლიოს ერთ-ერთი უდიდესი გლობალური პროცესია, რომელიც განსაკუთრებულ ადგილს იკავებს მდგრადი განვითარების მიზნებში

რისი გაკეთება შეიძლება დიდ აივანზე?

ნტერიერის დიზაინში, ბოლო პერიოდში ძალიან აქტუალურია მცენარეების დეკორად გამოყენება