ეკო სტილი შექმნილია იმისთვის, რომ ადამიანმა საკუთარ სახლში ბუნებასთან სიახლოვე იგრძნოს. ამ  სტილის მთავარი მიზანია არის ის, რომ ადამიანმა შეიძლოს დასვენება, ძალების და ენერგიის აღდგენას ეკოლოგიურად სუფთა და მყუდრო გარემოს მეშვეობით. ეკო სტილის ინტერიერი მხოლოდ ბუნებრივი მასალისგან იქმნება, მაგალითად, როგორიცაა: ხე, თიხა, მინა, ქვა, აგური და არანაირი ქიმია. 

ეკო სტილში არ არსებობს გარკვეული წესები გარდა ერთისა, გამოიყენოთ მხოლოდ ნატურალური და უვნებელი მასალები თქვენი ბინის ინტერიერის შექმნისას. სწორედ აქედან გამომდინარე ეს გახლავთ დიზაინის მიმართულება, რომელიც ჰარმონიულად აკავშირებს  ადამიანს ბუნებასა და ეკოლოგიურ სისუფთავესთან.

ამ სტილში არაფერი არ არის: პლასტმასის და ლითონის. ეს ეხება განსაკუთრებით ავეჯს და დეკორის სხვადასხვა ელემენტებს. 

ბინის მოწყობისას სასურველია გახსოვდეთ, რომ ეკო სტილი პირდაპირ არ ნიშნავს სახლის მარტო ბუნებრივი მასალებით მოწყობას ან თაროებზე ყვავილების სიმრავლეს, მისი არსი უფრო ღრმაა და უამრავ დეტალს მოიცავს, რომელიც საბოლოოდ, თქვენ ბინას უფრო კომფორტულ და მყუდრო სივრცედ აქცევს.

ეკო ინტერიერში უპირატესობა ბუნებრივ ფერებს ენიჭება - მწვანეს, ყავისფერს, ღია ყვითელს, ცისფერს, თეთრსა და იმ ფერებს, რომლებიც ბუნებაში გვხვდება. ასეთ ინტერიერში ადამიანი თავს თბილად, კომფორტულად და მყუდროდ გრძნობს.

ეკო სტილის ბინაში ხშირად შეხვდებით ნატურალური ხის ავეჯს, მათი ფორმა ბუნებაში არსებულ ერთეულებს ემსგავსება. ამ სტილის ავეჯის მთავარი თვისება მინიმალური დამუშავება და სიმარტივეა. 

ეკო ინტერიერის აუცილებელი მოთხოვნა - ბუნებრივი შუქის დიდი რაოდენობით არსებობაა. მისი ნაკლებობის შემთხვევაში აუცილებელია დაამატოთ ხელოვნური განათების წყაროები. მოერიდეთ დიდი ზომის, გადატვირთულ ჭაღებს. შეარჩიეთ წერტილოვანი განათების ტიპები, ჩაშენებული და უხილავი სანათები, ასევე არჩევანი შეაჩერეთ ჭერის ატმოსფერული განათებაზე. 

იატაკისთვის საუკეთესოა ქვა ან ბუნებრივი ფერის ფილა. დიდი მოთხოვნით სარგებლობს ხის პარკეტი, რომელიც საუკეთესოდ ესადაგება ამ სტილს.

რაც შეეხება კედლებს მათთვის შეიძლება კერამიკული ფილების და  მოსაპირკეთებელი ქვის გამოყენება ან მათი მობათქაშება. ეს მასალები არის ნატურალური, არ შეიცავს მავნე ნივთიერებებს და არაჩვეულებრივად ესადაგება ეკო სტილს.

ეკო სტილს არ ახასიათებს დეკორაციული დატვირთვა, რადგან ბუნებაში არაფერია ზედმეტი. ქვისა და ხისგან დამზადებული კედლის საფარი სარკის მარტივი, ნატურალური მასალის ჩარჩოები სავსებით საკმარისი იქნება.