სიახლეები

უძრავი ქონების ბაზარი 2023 წელი - რას უნდა ველოდეთ?
2022 წელს უძრავი ქონების ბაზარი მთელი საქართველოს მასშტაბით ძალიან პოზიტიური ტენდენციებით ვითარდებოდა. მთავარი ინდიკატორი, როგორიცაა გაყიდვების სტატისტიკა, გაქირავების და გასაყიდი ფასი მკვეთრად გაიზარდა. ექსპერტები ვარაუდობენ, რომ 2023 წელს ბაზარზე მოსალოდნელია ფასების ზრდის ტენდენციის შენარჩუნება. პროგნოზით, ფასები 18%-ის ფარგლებში გაიზრდება, საცხოვრებელ ბინებზე მოთხოვნის ზრდის მთავარი განმაპირობებელი ფაქტორი კი მიგრანტების მხრიდან ბინების ყიდვაზე გაზრდილი მოთხოვნა იქნება. ვარაუდობენ, რომ წლის ბოლოდან საქართველოში დარჩენილი მიგრანტები უკვე აქტიურად დაიწყებენ ბინების ყიდვას. შედეგად, 2023 წლისთვის თბილისში გაყიდულ საცხოვრებელ ბინებში მიგრანტების წილი 10%-დან 12%-მდე გაიზრდება.
2022 წელს უძრავი ქონების გასაყიდ ფასზე მიგრაციის ეფექტს ირიბი გავლენა ჰქონდა. მიგრანტების მიერ ქირაზე გაზრდილმა მოთხოვნამ ბიძგი მისცა უფრო მეტ მოქალაქეს ეყიდა ბინა საცხოვრებლად და საინვესტიციოდ. ეს ერთ-ერთი მთავარი ფაქტორი იყო, რამაც საცხოვრებელ ბინებზე ფასები გაზარდა. 2023 წელს ეს ეფექტი უკვე პირდაპირი იქნება. გამორიცხული არ არის საქართველოში დარჩენილი მიგრანტები უკვე ბინების დაქირავებიდან უძრავი ქონების ყიდვაზე გადავლენ, რაც დამატებით გაზრდის გასაყიდი ბინების ფასს. ეს გათვლები ეყრდნობა დაშვებებს, რომ ბოლო თვეების განმავლობაში საქართველოში შემოსული მიგრანტების 75% თბილისში დასახლდა, ხოლო მიგრანტების 30% ქვეყანას 2023 წელს დატოვებს.
აღსანიშნავი ფაქტია, 2022 წელს ახალ პროექტებში ბინების შეძენა 10%-ით გაიზარდა, ძველ პროექტებში კი 2021 წლის ნოემბერთან შედარებით მაჩვენებელი 7%-ით არის გაზრდილი.
სეგმენტების მიხედვით, თბილისში ახალაშენებულ პრექტებზე მოთხოვნა შედეგია:
- პრემიუმ სეგმენტის ბინებზე გაიზარდა 132%-ით;
- მედიუმ სეგმენტში 67%-იანი ზრდა დაფიქსირდა;
- ეკონომ სეგმენტში ბინების გაყიდვები 12%-ით შემცირდა.
განახლებული მიმოხილვით კი თბილისში ახალაშენებული ბინების საშუალო შეწონილი გასაყიდი ფასი გაიზარდა:
- გარე უბნებში - 15%-ით;
- ფართო ცენტრში - 13%-ით;
- ქალაქის ცენტრში - 14%-ით.
ბინა "სხვა კარკასით" – როცა არ გინდა დროისა და ფულის კარგვა
"ალფა სახლის" მიერ შემოთავაზებული „სხვა კარკასი“ ახალ სტანდარტს გულისხმობს, რომელიც მნიშვნელოვნად განსხვავდება ე.წ. თეთრი ან მწვანე კარკასისგან
კომერციული ფართი გლდანში – ინვესტიცია მომავლისთვის "ალფა სახლისგან“
წარმოიდგინეთ ადგილი, სადაც ყველაფერი უკვე მზადაა თქვენი ბიზნესის დასაწყებად!
გარდაქმენი სიმაღლე სივრცედ! - ანტრესორი ბინაში
ანტრესოლი — ეს არის დიზაინერული სმარტ-გადაწყვეტილება, რომელიც სიმაღლეს სივრცედ გარდაქმნის
საკუთარი სახლი კორპუსში - შესაძლებლობა, რომელსაც დუპლექსი გაძლევთ!
თუ თქვენ ეძებთ სახლს, რომელიც პასუხობს მაღალი სტანდარტების მოთხოვნებს, სწორედ დუპლექსი იქნება თქვენი არჩევანი
რატომ არის აუცილებელი ბინის საჯარო რეესტრში რეგისტრაცია?
ბინის რეგისტრაცია საჯარო რეესტრში არის ნაბიჯი, რომელიც საკუთრებას უბრალო ქაღალდზე აღარ ტოვებს — არამედ მას რეალურ, დაცულ და სრულფასოვან აქტივად აქცევს.