დედაქალაქში მრავალრიცხოვანი მშენებლობების მიუხედავად უძრავ ქონებაზე მოთხოვა სულ უფრო იზრდება. დეველოპერები ითვალისწინებენ მომხმარებლების სურვილებსა და ბაზარზე არსებულ თანამედროვე ტენდეციას, რის მიხედვით გეგმავენ საცხოვრებელი კორპუსისა თუ კომპლექსების მშენებლობას. ბოლო პერიოდში სულ უფრო აქტუალური გახდა უბნის ტიპის დასახლების, ან საცხოვრებელი კომპლექსების მშენებლობა, სადაც ერთ სივრცეში თავს იყრის: საცხოვრებელი სახლი, რეკრეაციული ზონა, მიწისზედა და მიწისქვეშა პარკინგი, რაც პოტენციურ მობინადრეს მაქსიმალურ კომფორტს და ჰარმონიული ცხოვრების შესაძლებლობას სთავაზობს. შესაბამისად მომხმარებლების მოთხოვნის ზრდასთან ერთად მოლოდინებიც იზრდება, რაც საბოლოოდ ბაზარზე ფასების ზრდას იწვევს. 

ექსპერტების ვარაუდი 2023 წელს ბაზარზე მოსალოდნელია ფასების ზრდის ტენდენციის შენარჩუნების შესახებ მართლდება. თიბისი კაპიტალის მიერ გამოქვეყნებული განახლებული მიმოხილვიდან ჩანს, რომ თებერვალში ბინების საშუალო გასაყიდმა ფასმა ზრდა განაგრძო და 2,840 ლარს გაუტოლდა. რაც წინა თვესთან შედარებით 3%-ით,  წელთან შედარებით კი 30%-ით მეტია. რაც შეეხება თებერვალში საშუალო გასაქირავებელი ფასს, იანვართან შედარებით ქირის ღირებულება 5.1%-ით გაიზარდა და 32.75 ლარს მიაღწია. 2022 წლის თებერვლის მაჩვენებელთან შედარებით კი გასაქირავებელი ფასი 125%-ით არის გაზრდილი. 

2023 წლის თებერვლის თვის მონაცემების მიხედვით გაყიდული ბინების რაოდენობამ იანვრის მაჩვენებელს 19%-ით, ხოლო გასული წლის თებერვლის მონაცემებს 12%-ით გადააჭარბა. ყველაზე მოთხოვნად უბნად კი დიდი დიღომი დასახელდა, რომელიც ასევე გამოირჩევა ახალი ბინების გაყიდვების ყველაზე მაღალი დონით, წინა წელთან 8%-იანი ზრდით. 2023 წლის თებერვალში წინა წელთან შედარებით ახალი ბინების გაყიდვების ყველაზე მაღალი ზრდა ნაძალადევში (+250%), დიდუბეში (+64%) და გლდანში (+37%) დაფიქსირდა.

გაგაცნობთ სტატისტიკას, თუ რა კვადრატულოობის ბინებზეა ყველაზე დიდი მოთხოვნა და როგორია მათი პროეცენტული წილი 2023 წლის თებერვალში გაყიდული ბინების მიხედვით:

• 75 კვადრატულ მეტრზე ნაკლები ფართობის ბინები - 71%;
• 50 კვადრატული მეტრიდან 75 კვადრატულ მეტრის ფართობის ბინები- 41%;
• 125 კვადრატულ მეტრზე მეტი - 6%.