სუფთა და განათებული სადარბაზო, გამართული ლიფტი, მოვლილი, კეთილმოწყობილი ეზო და პარკინგი, სუფთა, ლამაზი კორპუსი, რომელიც წლების განმავლობაში ინარჩუნებს პირვანდელ იერს - ეს თითოეული მოსახლის სურვილია, რომელიც გარდა ესთეტიური სილამაზისა და კომფორტისა თქვენ მიერ შეძენილ უძრავ ქონებას დროთა განმავლობაში ღირებულებას მხოლოდ გაუზრდის. 

თქვენ უკვე იცით, რომ დიდი დიღმის პერსპექტივებსა და მომხმარებელთა სურვილების გათვალისწინებით დავიწყეთ უზარმაზარ საცხოვრებელ კომპლექსის პროექტზე მუშაობა, რომელსაც „სხვა უბანი” ჰქვია. პროექტის მიზანი დიდ დიღომში 16 ჰექტარის ათვისებას და მასზე მინი უბნის გაშენებას გულისხმობს. ფაქტობრივად, ეს იქნება „უბანი უბანში”, რადგან აქ აშენდება 14, 22-სართულიანი საცხოვრებელი კორპუსი, საბავშვო ბაღი, საოფისე და კომერციული ფართები, რეკრეაციული ზონა, რომელიც 6 ჰექტარს დაიკავებს და განთავსება ისეთი ობიექტები, როგორებიცაა: აფთიაქი, სუპერმარკეტი, სპორტული მოედნები, სკვერი და  სივრცეები თქვენი ოთხფეხა მეგობრებისთვის. 

აღნიშნული პროექტის მასშტაბებიდან გამომდინარე ჩვენ „სხვა უბნის” მობინადრეებს ვთავაზობთ ტერიტორიის მომსახურების სრულ სერვისს, რომელიც მოიცავს:

1. საერთო სარგებლობის ფართის დასუფთავებას;

2. ლიფტის გამართულად მუშაობის უზრუნველყოფას;

3. ლიფტით სარგებლობისთვის საჭირო ბარათის (ე.წ. „ჩიპის") გამართულად მუშაობის უზრუნველყოფას;

4. კორპუსის სახურავის მოვლა და საჭიროების შემთხვევაში მისი შეკეთებას;

5. წყლის მისაწოდებელი სისტემის გამართულად მუშაობის უზრუნველყოფას;

6. სადარბაზოს, მისაღებისა (არსებობის შემთხვევაში) და ეზოს (არსებობის შემთხვევაში) განათებისთვის საჭირო ელ. ენერგიის გადასახადის გადახდას;

და სხვა სახის მომსახურებას, რომელიც გამოყენებული იქნება კომპლექსის საერთო სარგებლობაში არსებული ქონების მოვლა-პატრონობისთვის, აღნიშნული სერვისის მეშვეობით მთელი კომპლექსის ტერიტორია იქნება მოვლილი და კეთილმოწყობილი.