ბინის ყიდვა ახალაშენებულ კორპუსში ბევრისთვის ოცნების ასრულებაა, თუმცა თავად შესახლების პროცესი მხოლოდ გასაღების მიღებით არ სრულდება. არსებობს გარკვეული წესები, რჩევები და გამოწვევები, რომელთა ცოდნაც დაგეხმარებათ მშვიდად და ორგანიზებულად დაიწყოთ ცხოვრება ახალ საცხოვრებელ სივრცეში.

შესახლების წინაპირობა - შენობის ექსპლუატაციაში მიღება

მშენებლობის დასრულების შემდეგ, შესაბამისი სამსახურის მიერ დადგენილი დასკვნის საფუძველზე, რომლის მიხედვითაც შენობა აკმაყოფილებს ცხოვრებისა და უსაფრთხოების სტანდარტებს - მერია კორპუს იღებს ექსპლუატაციაში. ამის შემდეგ კანონიერად შეგიძლიათ შენობაში მშვიდად გადახვიდეთ. კარგი იქნება, თუ დეველოპერს ექსპლუტაციის აქტის ასლს მოსთხოვთ.

შესახლების პროცესის დაწყება

როდესაც ბინის გასაღები უკვე თქვენს ხელშია, იწყება გადასვლის ცოტა არ იყოს დამღლელი პროცესი. ახალ კორპუსებში, სადაც ბევრი მობინადრე ერთდროულად იწყებს შესახლებას, წესრიგისა და სისუფთავის დაცვა განსაკუთრებით მნიშვნელოვანია.

რჩევები:

• წინასწარ შეათანხმეთ ტვირთის გადატანის დღე დეველოპერთან ან კორპუსის წარმომადგენელთან;
• გამოიყენეთ ლიფტი, თუ ეს დასაშვებია და საჭიროების შემთხვევაში, დაიცავით კედლები და იატაკი სპეციალური საფარით;
• ნუ დატოვებთ ნარჩენებს სადარბაზოში – სისუფთავის დაცვა საერთო პასუხისმგებლობაა;
• მძიმე ნივთების აზიდვისას გამოიყენეთ სპეციალური ლიფტი ან მომსახურება, რომ არ დაზიანდეს საერთო ინფრასტრუქტურა.

რა ხდება, თუ რამე გაფუჭდა?

ახალ კორპუსში შესახლებისას ხშირად ვხვდებით მცირე ხარვეზებს:

• შეადგინეთ დაზიანებების სია;
• გადაუღეთ ფოტოები და დროულად აცნობეთ დეველოპერს;
• ზედმეტი ჩარევამდე დაელოდეთ დეველოპერის ტექნიკურ ჯგუფს – ხშირად ხელშეკრულებით გათვალისწინებულია გარანტიის ვადები (საშუალოდ 1–2 წელი).

კორპუსის მართვა - თავმჯდომარე და თანამშრომლობა

მობინადრეთა შესახლების შემდეგ აუცილებელია კორპუსის მართვის მექანიზმის ჩამოყალიბება. ამისთვის ფორმდება ამხანაგობა ან აირჩევა დროებითი თავმჯდომარე.

მთავარი მიზნები:

• საერთო წესების დაწესება (მაგ. სარემონტო საათები, ხმაური, ტექნიკური ლიფტის გამოყენება);
• საერთო ქონების მოვლა (სადარბაზო, ლიფტი, ეზო);
• სავალდებულო ხარჯების განსაზღვრა (დარაჯი, დასუფთავება, განათება);
• კომუნიკაცია დეველოპერთან - საჭიროების შემთხვევაში საერთო პრობლემების გადასაჭრელად.

რჩევა მობინადრეებს: აქტიურად ჩაერთეთ პირველივე კრებებში - თქვენი მონაწილეობა განსაზღვრავს საცხოვრებელი სივრცის ხარისხსასაერთო გამოწვევები

ახალაშენებულ კორპუსში ცხოვრების დასაწყისში ხშირად ჩნდება გამოწვევები:

• შეუსრულებელი ინფრასტრუქტურა (პარკინგი, ეზო, საბავშვო მოედანი);
• ხმაური მეზობლის რემონტისგან;
• ე.წ. „დროზე ადრე შესახლებული“ მობინადრეები - რომლებიც ჯერ არ დაელოდნენ ექსპლუატაციის აქტს;
• არასაკმარისი კომუნიკაცია მობინადრეებს შორის. და ორგანიზებულობას.

ახალაშენებულ კორპუსში შესახლება მხოლოდ ახალი ბინის სიხარული კი არ არის, არამედ საერთო ცხოვრების ახალი ეტაპის დაწყებაც. ეს პროცესი მოითხოვს ორგანიზებულობას, ურთიერთგაგებას და ზოგჯერ მცირე მოთმინებასაც. თუმცა, სწორი მიდგომით და მეზობლების თანამონაწილეობით, შესაძლებელია შეიქმნას კომფორტული, სუფთა და მყარი საცხოვრებელი გარემო. მუდმივ კავშირზე იყავით დეველოპერულ კომპანიასთან ან მობინადრეებთან ურთიერთობის მენეჯერთან.